НОВИ САД – Конкурс за публикованє мастер або маґистерских роботох од окремного значеня у Едициї иновациї „Владимир Ґарянски”, котри розписал Завод за културу войводянских Руснацох, тирва до пондзелку, 21. авґуста.
Конкурс ше одноши на одбранєни мастер або маґистерски роботи зоз обласци дружтвених наукох повязаних з розвойом рускей заєднїци, окреме з обласци язика, литератури и историї.
На Конкурс треба послац лєм одбранєни мастер и маґистерски роботи хтори ище нє публиковани на другим месце.
Резултати Конкурса буду у септембру, а наукова мастер або маґистерска робота будзе видрукована по конєц рока.
Конкурс отворени 21. юлия 2017. року, а цали текст мож пречитац на веб сайту Завода www.zavod.rs.