ПЕЧИНЦИ – На Зонскей смотри музичней и традицийней творчосци, хтора всоботу, 24. юния отримана у Печинцох, наступели и два културно-просвитни дружтва Руснацох – зоз Шиду и Бикичу.
Младша шпивацка ґрупа КПД „Дюра Киш“ зоз Шиду на Зонскей смотри участвовала з народнима шпиванками, а Старша мишана шпивацка ґрупа виведла сценски приказ обичайох по косидби у єдним обисцу, хтори обдумали Владимир Торма, Снежана Лазич и Драґан Макивич.
Аматере КПД „Иван Котляревски“ з Бикичу виведли сценски приказ „У Бикичу на оберачки“ – обичаї на оберачки грозна, авторох Борислава Барну и Зденка Лазора.
Резултати змаганяю буду сообщени после отримованя шицких зонских смотрох у Войводини.