ШИД – У Основней школи „Сримски фронт“ при концу остатнї пририхтованя же би на пондзелок почала ґенерална обнова школского будинку, звонка и знука, хтору будзе окончовац єдне подприємство зоз Нового Саду.
Роботи финансує републична Канцелария за явни инвестициї, а роботи буду коштац коло 50 милиони динари.
По словох Сладяни Любоєвич, директорки школи, роботи буду тривац 90 днї и буду заменєни облаки и дзвери, електро-инсталация, покладзени нови патоси и керамика, пошорени санитарни ґузли, а цали будинок будзе и обилєни.
Як наглашела директорка Любоєвич, школяре 1. септембра вироятно нє буду ходзиц до того будинка пре роботи, алє буду розмесцени по других образовних институцийох у городзе (другей основней школи и ґимназиї ).