БИКИЧ/ШИД – У Бикичу и Шиду на ютре, 3. юния, будзе Двацец треце Стретнуце руских основних и штреднїх школох, хторе орґанизує Дружтво за руски язик, литературу и културу. Тогорочни соорґанизатор Стретнуца ОШ „Сримски фронт” зоз Шиду-Бикичу, а Стретнуце орґанизованє у сотруднїцтве з Општину Шид и Одбором за образованє Националного совиту Руснацох.
Отверанє Стретнуцох у Школи у Бикичу будзе на 10,30 г., школяре и просвитни роботнїки у Бикичу нащивя и церкву и етно-хижу, а на 11,30 почнє нащива Ґимназиї „Сава Шуманович” у Шидзе, потим и Библиотеки „Симеон Пищевич”.
На 13 г. плановане обиходзенє Памятного комплексу „Сримски фронт” при Адашевцох, на 14 г. програма учашнїкох у Шидзе, у ОШ „Сримски фронт”, а Стретнуца буду закончени на 15 годзин зоз заєднїцким полудзенком учашнїкох у Шидзе.