НОВИ САД – У Новосадским театру, Сербским народним театру и у Ґалериї Матици сербскей, у Новим Садзе од 2. по 6. октобер будзе отримани театрални фестивал язичних меншинох швета з назву „Synergy#World Theater Festival”, наявене з Новосадского театру.
Участвую представи Новосадского театру, Державного єврейского театру з Букурешту, з Румуниї, Русийского драмского театру „Максим Горки” з Астани у Казахстану, Сербски театер з Будапешту, з Мадярскей, Турски театер зоз Скопя, з Македониї, Ансамбл „Миклош Томпа” з Тарґу Мурешу у Румуниї и „Даница” зоз Салцбурґу, з Австриї.
На стреду, 4. октобра, у рамикох фестивалу будзе симпозиюм з тему „Улога и значенє язикох у процесу индивидуалного и колективного самоидентификованя”.
„Synergy#World Theater Festival” зазберує професийних театралних уметнїкох котри творя на язикох меншинских националних заєднїцох хторим припадаю, а идейни творитель и ношитель Фестивалу директор Новосадского театру Валентин Венцел.
Снователь Фестивалу Город Нови Сад, хтори го учишлєл и до проєктох у рамикох кандидатури за Европску престолнїцу култури 20121. року, и як ревиялни, будзе ше го отримовац кажди рок у октобру.