КУЛА – Општина Кула розписала конкурс за наградзованє школярох и стипендованє студентох у школским 2017/18. року, а конкурс тирва од 1. новембра.
Конкурс будзе обявени на службеним веб-порталє Општини – www.kula.rs 1. новембра и у новинох „Кулска комуна” дзе мож опатриц условия конкурсу, а будзе оглашени и у шицких основних и штреднїх школох у кулскей општини. Конкурс будзе тирвац 15 днї од дня обявйованя.
Прияви на конкурс з потребну документацию ше придава до Оддзелєня за дружтвени дїялносци у Услужним центре (шалтер ч. 5) у будинку Општини, з назначеньом „За конкурсну комисию за наградзованє школярох и додзельованє стипендийох”.
Вецей информациї о конкурсу кажди роботни дзень од 7 до 15 г. мож достац и на числа телефонох (025)751-160, 751-151 и 751-146.