ШИД – „Европски рух у Сербиї-Сримска Митровица” порушал проєкт „Вихаснуй шансу“, хтори будзе тирвац шейсц мешаци, пре отримуюци модел самозанятосци младих у руралним подручу у Сримским и Мачванским управним округу.
Спомнути проєкт финансує Министерство за младеж и спорт, а партнере у проєкту Аґенция за рурални розвой Городу Сримска Митровица и општина Коцелєва.
Зоз спомнутим проєктом ше жада стимуловац самозанятосц младих у валалских штредкох, порушац польопривредну продукцию, а у рамикох проєкту за заинтересованих буду орґанизовани фахово едукациї за писанє бизнис-планох и трибини пре упознаванє младих зоз спомнутим проєктом, його можлївосцами и хасну за младих.