СЕРБИЯ – Од пондзелку, 4. септембра, на авто-драгох у нашей жеми почало меранє штреднєй швидкосци медзи наплатнима рампами и каранє вожачох котри потупя огранїченя швидкосци од 120 километри на годзину.
Пробне меранє дало точни резултати и на тей основи ше будзе одредзовац кари за вожачох. Кари вожачом зоз Сербиї буду сциговац на домашнї адреси.
Кед швидкосц була од 120 до 140 км на годзину, кара 3 000 динари, а за вожачох котри вожели прейґ 200 км на годзину кара аж 200 000 динари.
Такой по преходу наплатней рампи, на блоку за плаценє, вожаче можу пречитац свою штредню швидкосц и видзиц чи вона висша од дошлєбодзеней.