Пошвидко безплатни туристични тури по Новим Садзе

автор зам   фото вев
1.5k Опатрене

НОВИ САД – Туристична орґанизация Городу Нови Сад (ТОНС) од юния по новембер будзе орґанизовац безплатни туристични тури за заинтересованих нащивительох, а як гварели у ТОНС, тоти опатраня буду орґанизовани по напредок утвердзеним планє у єдним тижню (пондзелок, стреду, пияток и соботу) на анґлийским и сербским язику и буду их реализовац лиценцовани туристични водзаче.

За конкретни тури и термини гражданє ше годни приявиц прейґ сайту ТОНС – www.novisad.travel.

Як преноши портал 021, директор ТОНС Бранислав Кнежевич за РТС гварел же слово о двох стандарних турох, у хторих туристи годни упознац красоти старого городского ядра и Петроварадинску твердиню и два тематски – „Нови Сад зоз женского угла” и „Нови Сад з єврейского угла”.

По словох Кнежевича, туристох у Новим Садзе найвецей прицагує Петроварадинска твердиня, старе городске ядро, салаши, Фрушка гора и фестивали.

ПОВЯЗАНИ ТЕКСТИ