Предлог одлуки о снованю Розвойней аґенциї Войводини

автор зам
1k Опатрене

НОВИ САД – Покраїнска влада вовторок, 7. фебруара, принєсла Предлог одлуки о снованю Розвойней аґенциї Войводини (РАВ), хтори дата на прилапйованє Скупштини АП Войводини.

РАВ будзе основана як дружтво з огранїчену одвичательносцу, а пре потримовку у запровадзованю розвойней политики, польопривредней и политики руралного розвою, як и других явних политикох у складзе зоз законом, та намиру же би ше пошвидшало економски розвой Войводини.

Як предложене, снователь РАВ АП Войводина, а права снователя, односно функцию скупштини будзе окончовац Покраїнска влада. Шедзиско РАВ будзе у Новим Садзе, Стражиловска 4.

Покраїнска влада на вовторковей схадзки розпатрала и информацию о дуалним образованю, дзе да подполну потримовку пилот-проєктом дуалней настави. У тим школским року у Войводини ше по дуалним, односно кооперативним моделу образованя школую 336 школяре у пейц штреднїх фаховних школох.

Попри препоруки же би ше на идуцим упису до школох предносц давало образовним профилом хтори одвитую потребом привреди и тим за хтори у подприємствох мож орґанизовац праксу, констатоване же ше и локални самоуправи муша баржей уключиц до уводзеня дуалного образованя.

ПОВЯЗАНИ ТЕКСТИ