НОВИ САД – Жито добре випатра, оценюю фаховци, и як оцеплєло, одруцело премарзнути часци, та формовало нови лїстки. Жито пошате у оптималним терминє ма цмейшу фарбу, а пошате познєйше ище нє указує реакцию на прихраньованє, алє и то будзе пошвидко, бо уходзи до фази розрастаня.
– Тих дньох прави час за прихраньованє жита хторе пошате познєйше, а за прихрану треба вибрац АН и КАН, бо маю 33, односно 27 одсто азоту. Тиж так, познєйше пошате жито би тераз добре було и пороляц пре розрастанє (бокоренє), же би було цо вецей класки по єдинки поверхносци – совитує польопривреднїком др Новица Младенов.
Як гварел Младенов, у идуцим периодзе треба провадзиц и здравствени стан шацох, а ґенерално мож повесц же жимски екстремно нїзки температури одложели паразитни потенциял дзепоєдних печаркох, та тераз треба померковац на зарастанє з коровчом.