МАЛО ЦРНИЧЕ – На 10. Литературним конкурсу „Кирилка – буква сербскей твари” котри орґанизує библиотека у Малим Црничу, похвалєни и наградзени найлєпши писателє од вкупно 102-ох котри участвовали на конкурсу.
Медзи похвалєнима ше нашла и писня Тамари Рончевич „Кратки писма за Ану” (пияте писмо). Окрем того, єй поезия, як и поезия дзепоєдних других авторох котри участвовали на конкурсу, будзе обявена у Зборнїку роботох зоз того конкурса „Кирилка – буква сербскей твари 2018”.
Першу награду освоєл Славко Вукович зоз Беранох у Чарней Гори, другу Душан Каранович зоз Рашкей, а трецу Борис Дьорем зоз Войковичох у Републики Сербскей. Окрем Тамари Рончевич, наградзени ище пецеро писателє.