Того викенду у Шидзе Сримска забивачка и колбасияда

автор зам
982 Опатрене

ШИД – У Шидзе нєшка и на ютре, 11. и 12. фебруара, будзе отримана Двацета Сримска забивачка и колбасияда, хтору орґанизує здруженє гражданох з исту назву, а з потримовку Општини Шид и Туристичней орґанизациї Општини Шид.

На терену опрез Спортского центру нєшка будзе змаганє у швидким обробку меса, правеню колбасох и швидким єдзеню колбасох, а на манифестациї будзе и богата културно-уметнїцка програма.

За нащивительох пририхтана и предавацка вистава меса, сухомесових продуктох, масци и других домашнїх продуктох.

Преглашенє побиднїкох у змаганю за найлєпшу суху сримску колбасу будзе на ютре, на дисновторе у Словацким доме.

ПОВЯЗАНИ ТЕКСТИ