Укладанє и до Дому за старих у Коцуре

автор зам
838 Опатрене

НОВИ САД/КОЦУР – Покраїнска влада на схадзки 23. авґуста прилапела вецей ришеня з хторима обезпечни предусловия за обнавянє и оправянє обєктох з обласци социялней защити у Войводини, медзи нїма и за домске оддзелєнє у Коцуре Ґеронтолоґийного центру Вербас.

Слово о тим же з ребалансом покраїнского буджету за тот рок вецей як 44 милиони динари обезпечени за вибудов проєктно-технїчней документациї за инвестицийни укладаня до домох за дзеци, домох за старих, установох за змесценє особох з окремнима потребами и другим установом з обласци социялней защити.

На спомнутей схадзки Покраїнска влада дала согласносц же би ше у Доме за старих у Коцуре, як оддзелєню Ґеронтолоґийного центру Вербас, поставело систему за автоматску сиґнализацию и детектованє огня.

Согласносц за потребни роботи дата и Дому за особи з почежкосцами у розвою у Старей Моравици (општина Б. Тополя) и Дому за старих и пензионерох у Апатину. Шицки роботи хтори ушлїдза у спомнутих установох ускладзени з Програму обнавяня обєктох явней намени, хтору прилапела Влада Сербиї, и буду витворени прейґ, лєбо у координациї з Канцеларию за управянє з явнима укладанями.

ПОВЯЗАНИ ТЕКСТИ