ДЮРДЬОВ – Як по вчерайшей Служби Божей гварел о. Михаил Холошняй, пошвецанє обисцох у Дюрдьове почнє на стреду, у улїци Яши Бакова (од главней улїци ґу Девеню).
На штварток буду пошвецани обисца у улїци Яши Бакова ґу Кочу, на пияток у Краля Петра Першого – од штредку валала ґу Шайкашу, а на соботу у улїци Светозара Милетича – од центру ґу Девеню.
Розпорядок дальшого пошвецаня обисцох будзе обявени на нєдзелю, 29. януара, по Служби Божей, хтора на 9 годзин.
На вчерайшей Служби обявене и же мож обновиц закуп столкох у церкви за тот рок.