Звекшани средства з општинского буджету

автор маф
925 Опатрене

РУСКИ КЕРЕСТУР – На всоботу, 28. новембра отриманим Зборе гражданох Руского Керестура, предсидатель Совиту Месней заєднїци (МЗ) Владимир Олеяр визначел же од кеди тирва мандат нового Совиту звекшана сума утрошеного пенєжу за рижни роботи, як зоз самодоприносу так и з општинского буджету.

Як гварел, 2012. року зоз самодоприносу уложени 7 милиони 499 906 динари, а у 2015. року до рижних роботох до конца рока буду уложени 12 милиони 320 000 динари.

Звекшани и пенєж хтори МЗ достава з општинского буджету – 2012. року то було 2 милиони 700 000, а у тим року то 4 милиони 186 000 динари, гварене на Зборе гражданох. За плановани роботи у 2016. року у општинским буджету за Керестур плановани 7 милиони 440 000 динари, а зоз самодоприносу 10 милиони.

У Звиту о поробеним предсидатель Совиту Владимир Олеяр визначел и средства з хторима МЗ заєднїца помага роботу валалских здруженьох и орґанизацийох, дзе у тим року зоз самодоприносу за тоти намени вєдно опредзелєни милион 920 000 динари – найвецей Спортскому дружтву „Русин” – 667 000, Фестивалу култури „Червена ружа” 400 000, Фонду солидарносци 240 000, а за образованє 133 000 динари.

ПОВЯЗАНИ ТЕКСТИ