РУСКИ КЕРЕСТУР – Роботня тканя, хтора ше отримовала у рамикох проєкту Креируйме културни образци, у орґанизациї Здруженя женох Байка, предлужує ше и надалєй, а отримує ше у Майсторским доме у Руским Керестуре.
Проєкт урядово закончени пред двома тижнями, медзитим, понеже за овладованє зоз технїку тканя потребне вецей часу, а тиж и пре вельке интересованє, роботня тканя ше предлужує и надалєй.
З тей нагоди поволани шицки заинтересовани, и тоти хтори нє маю искуства у тим ремеслу, же би ше явели предсидательки Байки Славици Катона, хтора и водзи роботню, на число телефона 063/186-09-60.