СРИМ – Вчера, на Квитну нєдзелю, пред Службу Божу у Шидзе парох о. Михайло Режак пошвецел багнїтки, здогадуюц на подїю Исусового уходи до Єрусалиму, кед є привитани з палмовима конарами.
И попри нєвигодней хвилї, церква була полна з вирнима котри пошвецени багнїтки брали и ношели дому.
Богослуженя з пошвецаньом багнїткох у Бачинцох служел парох о. Дарко Рац, у Беркасове и Бикичу парох о. Владимир Еделински Миколка, а пенєж назберани до дзвончка на вчерайших службох у наших церковох у Сриме наменєни за загрожених у України.
Пред Службу Божу на 9 г. у нашей церкви у Бачинцох парох о. Дарко Рац споведал вирних, по Служби и даскельих вирних у їх обисцох, а и попри нєвигодней хвилї, на Богослуженю у Бачинцох вчера було коло 30 вирнїкох.
