КОЦУР – Всоботу, 27. децембра, у Бачким Петровцу отримани „Куп стина”, у орґанизациї истоменого клубу спортох моци. Змаганя орґанизовани за пейц дисциплини, а у двох участвовали и Коцурци Алексей Будински и Любомир Шарик, и освоєли медалї.
Любомир Шарик освоєл перше место у катеґориї тинейджерох до 100 кили, а змагал ше у powerliftingu, дзе и куканє, бенч прес и мертве дзвиганє терхи. За перше место Шарик дзвигнул вєдно 405 кили.
У конкуренциї 83-ох змагательох Алексей Будински освоєл друге место у катеґориї юниорох до 110 килограми. Алексей ше змагал у бенч прес-у и дзвигнул 125 кили.
Змаганє було орґанизоване за катеґориї тинейджерох, юниорох, сениорох и ветеранох за хлопох и жени.