ЧАКОВЦИ (ГОРВАТСКА) – У Основней школи Чаковци штварток, 22. децембра, отримана заєднїцка Школска крачунска програма, хтору виведли школяре матичней и подручних школох у Миклошевцох, Томповцоц и Берки.
У годзиновей програми родичом и предшколским дзецом школяре шпивали крачунски шпиванки, рецитовали, а виведли и драмску сличку. У програми участвовали и дзеци котри виучую мацерински язик, та попри на горватским, точки виводзени и по руски и по мадярски.
На концу програми Дїдо Мраз дзецом подзелєл пакецики, хтори обезпечела Општина Томповци.
Вчера бул остатнї роботни дзень першого полроча за школярох основних и штреднїх школох на подручу Вуковарско-сримскей жупаниї, а настава после жимского розпусту у другим полрочу почина нарок, 16. януара.
