БЕОҐРАД – Державни секретар у Министерстве державней управи и локалней самоуправи Желько Ожеґович 20. децембра виявел же од 1. януара идуцого року родичи у шицких породзилїщох у Сербиї годни електронски приявиц новонародзени дзеци. Як гварел на конференциї „Е-управа Сербиї без шорох и шалтерох”, дотераз прейґ проєкту „Бебо, витай на швеце” и услуги „Е-беба”, у 45 породзилїщох так приявени 19 000 беби, преноши Бета.
Ожеґович визначел же розвой електронскей управи приоритет того министерства, а прейґ е-потралу уж витворени 2 милиони рижни услуги. До конца рока би мал преробиц и национални портал отворених податкох, хтори гражданом и привреди олєгча доставанє податкох.
– У 2017. року умрежиме шейсц вельки державни институциї и редукуєме число документох хтори гражданє тераз обезпечую сами – гварел державни секретар, як и же од нового року прейґ е-управи годно приявйовац и порцию на маєток.