ДЮРДЬОВ – Вчера дополадня, на Дзень ошлєбодзеня Дюрдьова у Другей шветовей войни, з кладзеньом венцу на памятнїк у центре валалу з минуту цихосци и здогадованьом на тоту подїю дата почесц шицким борцом за шлєбоду у Народноошлєбодительней войни (НОВ) и жертвом фашизму. Венєц на памятнїк положели члени Месного одбору Здруженя борцох НОВ.
О ошлєбодзеню места и руху одпору на сходзе бешедовал предсидатель Општинского одбору Здруженя борцох НОВ Светозар Злоколица, на цо здогадли и школяре дюрдьовскей ОШ з читаньом поезиї, а медзи нїма Єлена Мудри на руским язику пречитала писню Дюру Папаргая „Ту такой при шерцу”.
З нагоди Дня ошлєбодзеня у сали Месней заєднци (МЗ) отримани и пригодни коктел, а означованє Дня ошлєбодзеня Дюрдьова у Другей шветовей войни орґанизовали МЗ и МО Здруженя борцох НОВ.