ВЕРБАС – У просторийох Городского музею у Вербаше вчера отворена „Крачунска вистава” ручних роботох, хтору орґанизую Городски музей и КУД „Сирмаи Кароль” з Вербасу.
Виложени роботи, дзе найвецей вишивки и предмети з рижних материялох, тематски вязани за Крачун, а виробели их члениїци Секциї „Златна класка” мадярского КУД „Сирмаи Кароль”.
Вистава отворена по 16. децембер, а мож ю нащивиц од 9 до 18 годзин.
Иста секция од нєшка у исти час орґанизує и дзецинску креативну роботню, на хторей буду участвовац и дзеци з Предшколскей установи „Бошко Буха”.
