ШИД – Пияток, 30. септембра, коло Дому здравя у Шидзе отворени нови терен за бавенє дзецох, хтори Шидяньом подаровали Компания „Нивеа” и локална самоуправа.
На 190 квадратних метерох, на отвореним просторе поставени рижни дзецински бависка, колїмбачки и подобне.
Компания „Нивеа” уложела 35 000 еври до кладзеня окремней подлоги и поставяня реквизитох, а локална самоуправа 1,2 милиони динари – кельо вредносц простору и пририхтуюцих роботох.
Слова подзекованя „Нивеи” виповед предсидатель Општини Шид Предраґ Вукович, визначуюци же з тим дзеци у Шидзе достали окреме красни куцик за бавенє, а як наглашене, на терану за бавенє дзецох нєодлуга будзе поставени и видео- надпатрунок.