Подписани колективни контракт медзи синдикатом ЯКП и Општину

автор влдї
963 Опатрене

ШИД – Вчера у сали Скупштини општини Шид подписани колективни контракт медзи синдикатом комуналних подприємствох у шидскей општини и сновательом –  Општину, а контракт подписали представитель синдикату комуналних дїялносцох за Сримску Митровицу и Шид Драґан Живанович и предсидатель Општини Шид Предраґ Вукович.

Як наглашене, з тим контрактом прецизовани одношеня, права и обовязки снователя и явних подприємствох спрам занятих, членох синдикату, а документ ше одноши на ЯКП „Стандард“ , „Водовод“ и Завод за урбанизем у Шидзе.

Комисия, хтору меновал предсидатель Општини за прегварки зоз синдикатом, будзе провадзиц витворйованє и запровадзованє контракту, хтори будзе на моци три роки.

Попри представительох трох явно-комуналних подприємствох, на подписованю контракту присуствовал и Милорад Котур, спред синдикату комуналних и квартельних дїялносцох Войводини.

9-Sindikat-02

ПОВЯЗАНИ ТЕКСТИ