ЖАБЕЛЬ – Представителє Општини Жабель и Општини Борово з Горватскей пондзелок, 27. юния, у Кабинету предсидателя жабельскей општини бешедовали о сотруднїцтве на пририхтованю заєднїцкого проєкту у рамикох ИПА-програми, хтори ше одноши на зменшованє ризику од вилївох, односно на вибудов атмосферскей канализациї.
Спред Општини Жабель на схадзки присуствовали предсидатель Општини Чедомир Божич и член Општинскей ради задлужени за капитални укладаня Милорад Трґич, а спред Општини Борово началнїк Општини Зоран Бачанович и представитель Проєктного центру Милош Максимович.
На схадзки були и представителє войводянского металского кластеру з Темерину Зоран Пекез и Дюла Рибар.
Порадзене же спомнути заєднїцки проєкт на конкурс будзе придати до першого юлия, а одвит о тим чи є прилапени обчекую у януаре идуцого року.
Жабельска и боровска општина сотрудзовали и скорей у проєктох прейґгранїчного сотруднїцтва.