НОВИ САД – Завод за културу войводянских Руснацох розписал Конкурс за суфинансованє програмох и проєктох очуваня, пестованя, презентациї и розвою култури и уметносци рускей заєднїци у Републики Сербиї хтори тирва по 21.април 2022. року. Буджет конкурсу милион динари.
Конкурс ше одноши на програми/проєкти чия реализация предвидзена у 2022. року зоз шлїдуюцих обласцох: 1. Програми очуваня и нєматериялного културного скарбу рускей заєднїци (700 000 динари), 2. Програми сучасней уметнїцкей творчосци рускей заєднїци (300 000 динари).
Право участвованя на тим конкурсу маю здруженя у култури, установи култури, инши правни лїца и инши субєкти у култури зоз шедзиском на териториї АП Войводини чия основна обласц дїялносци култура, або ше з векшей часци занїмаю зоз културу;
Цали текст конкурсу будзе обявени у новим чишлє „Руского слова”. Текст конкурсу, правилнїк и формулари мож превжац на https://zavod.rs/konkursi/
Прияви на конкурс ше буду послац и по мейлу и по пошти.
Додатни информациї у вязи зоз Конкурсом ше можу достац у Заводзе за културу войводянских Руснацох, кажди роботни дзень од 10 до 12. годзин на число телефона 021/654-6534, як и на мейл адресу: zavod.rusini@gmail.com.