ДЮРДЬОВ – У дюрдьовским Добродзечним огньогасним дружтве (ДОД) всоботу, 9. априла отримани приєм пионирох-огньогасцох, школярох од шестей класи основней школи.
За нїх дюрдьовске ДОД у находзацим периодзе орґанизує обуку основного справованя и реаґованя у случаю огня, а приступнїци за 13 пионирох-огньогасцох подписали їх родичи, медзи котрима було и таких котри тиж жадали приступиц до ДОД.
Упис пионирох и нових полнолїтних членох у ДОД тирва по Рочну скупштину 14. мая, а вецей информациї о тим мож достац од предсидателя ДОД Ґорана Берича.