ВЕРБАС – З нагоди означованя 70-рочнїци ошлєбодзеня од фашизму у Другей шветовей войни, у Вербаше нєшка будзе отримане шесте стретнуце здруженьох и дружтвох сербско-русийского приятельства у Сербиї, у орґанизациї Општини Вербас и Здруженя „Род”. На стретнуцу будзе присуствовац и подпредсидатель Покраїнскей влади и покраїнски секретар за привреду, обезпечованє роботи и ровноправносц полох Мирослав Васин.
Стретнуце учашнїкох будзе у будинку Општини на 11 годзин, а на 12 годзин присутни положа венци на памятнїк Площа Червеней армиї. Стретнуце будзе предлужене у Велькей сали Скупштини општини з рогварку представительох амбасадох Русийскей Федерациї и Билоросиї з домашнїма.