У Вербаше отримани Саям безпечносци

автор зам
1.1k Опатрене

ВЕРБАС – Вчера, 29. новембра, у Вербаше отримани Саям безпечносци и превенциї, у рамикох проєкту „Полиция у локалней заєднїци”, хтори ше уж вецей як рок запровадзує у Вербаше, Земуну и Приєполю. Саям у Вербаше орґанизовали Полицийна станїца Вербас и Канцелария за младих Општини Вербас, а отворел го предсидатель Општини Милан Ґлушац.

Школяре ОШ, дзеци з ПУ, члени рижних здруженьох гражданох, як и числени заинтересовани на єдним месце могли видзиц схопносци, технїку, знанє и опрему рижних полицийних єдинкох и службох, а упознали ше и з тим як у цалосней системи безпечносци участвую добродзечни огньогасни дружтва, приватни аґенциї хтори ше занїмаю зоз защиту гражданох и маєтку, медицински служби, Червени криж.

Попри ПС Вербас, на Сайме участвовали припаднїки Сектору за позарядово ситуациї, вецей ресори Полицийней управи Нови Сад, Гранїчней полициї, припаднїки Войска Сербиї и други орґанизациї, пише портал Општини Вербас.

10-Verbas-02

ПОВЯЗАНИ ТЕКСТИ