У Дюрдьове отримани перши Бал младих

автор сас 
1k Опатрене

ДЮРДЬОВ – У дюрдьовским КУД „Тарас Шевченко” всоботу, 19. новембра oтримани перши Бал, младих у орґанизациї младих зоз спомнутого КУД. 

На Балє було 103 госцох з Дюрдьова, Руского Керестура, Коцура, Вербасу, Нового Саду и Петроварадину, котрих привитал єден з орґанизаторох Борис Цап, а з музику забавял „Пицикато бенд”.

Попри смачней вечери и добрей музики, домашнї пририхтали и богату томболу, хтору подаровали спонзоре зоз Жаблю, Тителю, Руского Керестура, Ветернику и Дюрдьова. Орґанизатор обезпечел главну награду – таблет, хтору достала єдна Дюрдьовчанка.  

Плановане же  Бал младих у Дюрдьове постанє традицийни, а орґанизаторе на потримовки окреме подзековали Управному одбору КУД „Тарас Шевченко”, як и на  медийней потримовки радио-програми по руски РТВ, „Рутенпресу” и новином „Руске слово”.

 

ПОВЯЗАНИ ТЕКСТИ