НОВИ САД – Жито на желєно прешлого тижня предаване по 17,05 динари з ПДВ, сообщела Продуктна берза у Новим Садзе, та ше нагадує же тота сезона будзе успишна и по урожаю и по цени жита.
– Як ше блїжи жатва, обчекованя вше векши. Донєдавна цена була 15 динари, а по рушаньох на шветових берзох оценьовало ше же тераз будзе 16 динари за килограм – гварел за „Дневник“ директор Продуктней берзи Жарко Ґалетин.
Професор др Новица Младенов з Институту за польодїлство и заградкарство у Новим Садзе гварел же 580 000 гектари под житом, кельо єст у Сербиї, будзе цалком досц за домашнї потреби.
Кед температури буду коло 25 ступнї и нє будзе вельки дижджи, жатва ярцу годна почац уж того тижня, а жита коло 25. юния, оценєл Младенов.