НОВИ САД – „Еґзит Фондация” и инициятиви „Младежска престолнїца Европи 2016” и „Европска престолнїца култури 2021” поволую орґанизациї цивилного сектору же би ше по 20. юний приявели на представянє на тогорочним „Еґзиту“.
Того року Фестивал у Новим Садзе будзе од 7. по 10. юлий, а як звичайно, часц провадзацей програми будзе и промоция активизму. Зона у хторей ше орґанизациї буду представяц наволана „Маґийна”, прето же здруженя хтори конкурую маю задаток понукнуц свою „маґийну особу”.
То може буц правдива, лєбо видумана особа з прешлосци, митолоґиї, з кнїжкох, филмох, серийох и бавискох, през котру ше представи роботу и активносц орґанизацийох. Прияви мож посилац на мейл адресу exitfoundation@exitfest.org
Понеже Нови Сад бул медзи финалистами за титулу „Младежскей престолнїци култури 2019” и за „Европску престолнїцу култури 2021”, тогорочна State of Exit зона будзе у знаку младих и култури.