НОВИ САД – Пре отримованє концерта класичней музики „Корзо” у центре города, Городска управа за транспорт и драги обвисцела же дочасово будзе забранєни транспорт на Булевару Михайла Пупина, у часци од Улїци Жарка Зренянина по розкрижє з улїцами Пионирска и Йована Дьордєвича.
Тиж будзе и забранєне паркиранє на Булевару Михайла Пупина од Пионирскей улїци у напряме ґу Улїци Иґнята Павласа.
Дочасова забрана будзе тирвац од 3. септембра, од 7 годзин до 7. септембра, до 18 годзин.
Вименєна будзе и драга кадзи буду исц городски автобуси на линийох 3, 3a, 6, 9, 9a, 60, 61, 62, 63, 64 и 69. Вецей информациї о вименкох мож найсц на сайту Явного городского транспортного подприємства „Нови Сад”.