НОВИ САД – Пре отримованє 63. Медзинародного бициґлистичного „Обегованя през Сербию”, хтори ше отримує од 10. по 13. октобер, на новосадских улїцох и булеварох будзе дочасово вименєни режим транспорту.
Док тирва бициґлистичне обегованє вименка режиму транспорту будзе у чаше двох етапох обегованя.
Етапа 1: дочасова вименка транспорту будзе на пияток, 11. октобра од 14:30 до 16 годзин у Улїци Футошска а забранєни транспорт будзе у Єврейскей улїчки и на Булевару Михайла Пупина од Єврейскей улїци по Улїцу Йована Дьордєвича и на Булевару Михайла Пупина од Улїци Жарка Зренянина по Улїцу Йована Дьордєвича док бициґлисти нє прейду тоту часц драги.
Етапа 2: дочасова вименка транспорту будзе на соботу, 12. октобра од 11 до 12:15 годзин на Булевару Михайла Пупина од Улїци Жарка Зренянина по Улїцу Йована Дьордєвича. Забрана важи и за Успенску улїчку, Шафарикову, Улїцу Йована Суботича и Темеринску улицу од Кисачкей до Венизелосовей док змагателє нє прейду по тей часци.
Як змагателє прейду одредзену часц драги так престава дочасова вименка режиму транспорту. Транспорт на обидвох етапох будзе контроловац и реґуловац транспортна полиция.
ЯГТП „Нови Сад“ дочасово вименює траси городских автобусох: 3, 3А, 6, 9, 9А, 60, 61, 62, 63, 64 и 69 на пияток 11. октобра од 14:30 до 16 годзин и на соботу, 12. октобра од 11 до 12:15 годзин.