ШИД – Скупштина општини (СО) Шид, на схадзки отриманей вчера, 16. децембра вигласала буджет за 2025. рок з хторим планованe же би приходи виношели 1.488.685.000 динари з хторих у чечуцей буджетней резерви плановани 16,5 милиони динари, а у стаємней резерви 500.000 динари.
Одборнїки прилапели и Одлуку о вименкох и дополнєньох Стратеґиї розвою социялней защити општини по 2025. рок, а дата и согласносц на явни контракт о звереню превозки путнїкох на подручу општини як модел явно приватного партнерства, а превознїк и на далєй будзе д.о.о. „Шидекспрес“.
СО принєсла и одлуку о запровадзованю енерґетского менаджмента општини, а прилапена и вименка одлуки о Штабу за позарядово ситуациї општини як и Комисиї за запровадзованє комасациї жеми у Катастерскей општини Морович.
