РУСКИ КЕРЕСТУР – Други уписни круг до Дому школярох за школски 2022/23. рок, у Штреднєй школи зоз домом школярох „Петро Кузмяк” будзе у термину од 25. по 29. авґуст у школским голу, як и предвидзене з календаром упису Министерства просвити, науки и технолоґийного розвою.
Як дознаваме у керестурскей Школи, змесценє у интернату у першим уписним термину витворели скоро 30 школяре, алє єст ище тельо шлєбодни места.
Информациї о потребней документациї за упис мож найсц и на сайту и фб Школи „Петро Кузмяк”.
Нови школски рок за шицких школярох почина 1. септембра, а у керестурскей Школи того дня на 8 годзин будзе шветочни приєм за школярох першей класи основней школи у школским дворе, а за першокласнїкох-штредньошколцох тиж на 8 годзин у школским голу.