[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним штерацец трецим чишлє новинох „Руске слово” рубрика „Тижньовнїк” зазначела подписованє контрактох о стипендийох дзецом у руских оддзелєньох у Коцуре, а ту и напис о сертификату о енерґетскей ефикасносци хтори достала Канцелария за енерґетски менаджмент у Вербаше.
О порциї на церковни маєток, на тот завод у Шидзе, та о означеним Дню ошлєбодзеня местох у општини Жабель и схадзки Совиту Месней заєднїци у Руским Керестуре, и о других актуалних темох, пише на бокох рубрики „Нашо места”.
„Економия”, окрем о єшеньских роботох у хотарох по наших местох, пише и о продукциї кромпльох у Коцуре.
„Култура и просвита” анализує визуални випатрунок наших фестивалох, а ту и текст о прешлотижньовей премиєри представи „Вона нєвиновата” РНТ „Петро Ризнич Дядя”. Ту и звит зоз Шветочней скупштини КПД „Карпати”, манифестациї „Нїтки” и велї други културни подїї.
„Мозаїк” пише о новосадскей музичней орґанизациї „Drop Sensei”, a рубрика „Духовни живот” о каритасовей гуманитарней акциї у Беркасове и кирбайох у даскельо наших парохийох. „Людзе, роки, живот” представяю приватного поднїмателя Миколу Папуґового з Вербасу.
„Спорт” зазначел резултати наших фодбалских клубох у своїх змагательних лиґох, а зазначени и шейсц медалї керестурских каратистох на змаганю у Оджаку. Як додаток вишло „Литературне слово”.
[/vc_column_text]