[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним штерацец пиятим чишлє новинох „Руске слово” рубрика „Тижньовнїк” пише о отриманей академиї за унапредзованє роботи меншинских медийох и о Округлим столє Нєзависного дружтва новинарох Войводини, а ту и текст о Виберанковей скупштини Союзу Руснацох Українцох.
О тим на хтори способ мож виняц особни документи на териториї цалей Сербиї, о Дню општини Жабель и Дню просвитних роботнїкох у Керестуре, медзи другима темами, пише на бокох рубрики „Нашо места”.
„Економия” сумирує тогорочни урожай и хасен польопривреднїкох, а ту и текст о ище єдному Коцурцови хтори садзи пауловниї.
„Култура и просвита” звекшого пише о потераз закончених програмох на Културней манифестациї „Костельникова єшень”, и о вистави маскох Милоша Лишанина Пифкия у Заводзе за културу войводянских Руснацох.
„Людзе, роки, живот” у тим чишлє представяю єденацчлену фамелию Тимкових зоз Коцура и фамелию котра продукує виски у Дюрдьове, а у „Мозаїку” пише о Дарянови Белакови и о його успишней спортскей кариєри у атлетики. Рубрика „Духовни живот” пише о сучасних питаньох у психолоґиї.
Спорт” зазначел як прешол рукометни турнир у Руским Керестуре, а як додаток вишла „Дикица”.
[/vc_column_text]