[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
Рубрика „Тижньовнїк“ у тогорочним штерацец шестим чишлє новинох анализує єднорочну роботу Националного совиту Руснацох и актуални стан после приватизациї медийох, а обсяжно пише о Конференциї о положеню националних меншинох у АП Войводини.
О отримованю транспортней инфраструктури у жабельскей општини, схадзки Скупштини општини Вербас, як и о означованю 165-рочнїци приселєня Руснацох до Миклошевцох пише на бокох рубрики „Нашо места”, док рубрика „Економия” зазначела отверанє витропарку у Кули и приключованє Керестурцох на ґаз.
„Култура и просвита” понука, окрем текстох о програмох „Костельниковей єшенї“, и интервю зоз єй госцом Светиславом Басаром, а рубрика „Духовни живот” на своїх бокох зазначела вецей актуални подїї зоз наших парохийох и окремну увагу пошвецела традицийному вечару приятельох Каритасу.
На бокох рубрики „Мозаїк” представена Ивана Будински, млади науковец – биолоґ, хтора хвильково на докторских студийох у Беоґрадзе.
На „Спорту” пренєшена атмосфера зоз означованя трох деценийох иснованя ОФК „Бикич“ и зазначени ище єден успих каратистох КК „Русин“ з Руского Керестура.
Як додаток вишол „Медзипростор за кафу и виключеня“ и „Дом и фамелия”, у хторей и нове предлуженє „Женоблоґиї“.
[/vc_column_text]