[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним штерацец осмим чишлє новинох “Руске слово” рубрика “Тижньовнїк”, медзи иншим, пише о тим яки би хасен мал буц од поставяня хлороґену у Руским Керестуре, операюци ше и на искуства зоз сушедних општинох, док “Нашо места” обрабяю тему о псох блукачох. Ту и информациї зоз Шиду и Коцура, а окремна увага пошвецена Збору гражданох у Руским Керестуре.
“Економия” у тим чишлє анализує профитабилносц продукциї парадичох у пластенїкох, як и продукциї млєка, а на прикладзе статкара Данила Балащака з Бикичу.
“Култура и просвита” пише о роботи Школярского парламента у керестурей Школи, о Фестивалу гумору и сатири “Коцурска чутка”, а значнєйша увага на тих бокох пошвецена преслави 70-рочнїци дюрдьовского КУД “Тарас Шевченко”.
“Мозаїк” упознава читачох з проєктом “Учим+ Знам= Вредзим” и преноши атмосферу з “Литературиюма” у новосадским РКЦ, док рубрика “Людзе, роки, живот” у тим чишлє пише о Даниєлови Радваньови з Вербасу. На тих и бокох и текст о трибини з назву “Титова Югославия и руска културна елита”.
Рубрика “Духовни живот” зазначела преславу стотого Кирбаю у манастире шестрох Служебнїцох у Коцуре, алє и сотруднїцтво держави и Каритасу у помоци миґрантом, як и орґанизованє вистави у Вербаше з нагоди 150-рочнїци народзеня Андрея Шептицкого.
Спорт”, медзи иншим, пише о турнире у пикаду и шаху у Коцуре у рамикох Спортских бавискох “Яша Баков”, а як додаток вишло “Руске слово у швеце”.
[/vc_column_text]