[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним штерацец дзевятим чишлє новинох “Руске слово” рубрика “Тижньовнїк” зазначела шесту порядну схадзку Националного совиту Руснацох, а ту и интервю зоз кир Георгийом Джуджаром.
О тим як означени Дзень Општини Шид, як и актуалносци зоз Руского Керестура, Коцура, Осиєку и жабельскей општини, та о резултатох нащиви подпредсидателя покраїнскей влади Михаля Нїлаша у општини Кула пише на бокох рубрики “Нашо места”.
“Култура и просвита” пише о тим хтори програми отримани у рамикох манифестациї Днї Миколи М. Кочиша, а ту и звит зоз Фестивалу малих сценских формох „Дюра Папгаргаї” хтори прешлого тижня отримани у Новим Садзе.
“Мозаїк” упознава читачох зоз Иваном Молнаром з Дюрдьова хтори оправя рахункари и зоз студентима зоз жабельскей општини хтори як награду за добри успих путую до европских варошох, а рубрика “Людзе, роки, живот” у тим чишлє пише о Борисови, Ани и Гелени Бучкових зоз Миклошевцох.
“Економия” у тим чишлє пише о продукциї капусти и о совитованю за заградкарох у новосадским Мастер центру на хторим участвовали и керестурски продукователє паприґи.
Рубрика “Духовни живот” зазначела приход св. Миколая до керестурскей церкви, а пише и о Лєтнєй владическей резиденциї.
Спорт” приноши вистки о успиху керестурских каратистох на Купу Сербиї, о пририхтованю Михаила Дудаша за наиходзацу сезону, о аеробику у Коцуре, а ту и текст о фодбалерки Мирели Тенков зоз Коцура.
[/vc_column_text]