[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
Шесте тогорочне число новинох „Руске слово” на бокох рубрики „Тижньовнїк”, медзи иншим, анализує яка улога и можлївосци месних заєднїцох у злєпшованю условийох живота у своїх штредкох, док рубрика „Нашо места” зазначела атмосферу на балох хтори орґанизовани у вецей местох. Ту и текст о стараню о дзецох з улїци у Новим Садзе.
„Економия” пише о снованю Локалней акцийней ґрупи за рурални розвой у Вербаше, а „Култура и просвита”, медзи иншим, о новей „нєвидлївей” кнїжки Наталиї Рибович.
Рубрика „Духовни живот” анализує податки з парохийних матрикулох по наших местох.
„Мозаїк” пише о креативних роботньох хтори орґанизую млади у дюрдьовским КУД „Тарас Шевченко”, а представя и младу асистентку на ПМФ-у Лидию Фодор з Бачкей Тополї.
У рубрики „Людзе, роки, живот” понукнути парастки приповедки Якима Чижмара Русового з Руского Керестура, та текст о интересантней животней драги др Слободана Митровича з Нового Саду.
„Спорт” дава огляднуце на остатнї подїї у Здруженю рибарох „Коляк” у Руским Керестуре, а ту и текст о Алексейови Будинскийови, любительови псох з Коцура.
[/vc_column_text]