[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
Седме тогорочне число новинох „Руске слово” на бокох рубрики „Тижньовнїк” спатра як ше рестриктивни мири у финансованю култури годни одражиц на роботу наших институцийох.
„Нашо места” зазначели акцию добродзечного даваня креви у Коцуре и „Сримску винияду” у Беркасове, а ту пише и як ше управя з одпадом у Руским Керестуре, док „Економия”, медзи иншим, випитує чи ше парастом виплацело лаґеровац кукурицу.
„Култура и просвита” дава звит зоз Рочней скупштини кулского РКУД, понука розгварку зоз Даниєлу Тамаш котра нєдавно докторовала у обласци олиґофренолоґиї, а рубрика „Духовни живот” анализує одгуки стретнуца папи и русийского патриярха на Куби.
У рубрики „Людзе, роки, живот” понукнути текст о галасови Любомирови Чапкови з Руского Керестура, док „Спорт” пише о финансованю наших спортских клубох и турниру у шаху Керестуре.
Додаток „Дом и фамелия” пише о малиґних хоротох, а ту и нова „Женоблоґия”.
[/vc_column_text]