РУСКИ КЕРЕСТУР – Парохия св. Oца Миколая на соботу, 29. октобра будзе домашня стретнуца младих „Хто Святи и цо нам поручую”.
Стретнуце будзе отримане у Катедрали св. Миколая, у манастире шестрох Служебнїцох НДМ, а роботнї ше буду одвивац у Духовно пасторалним центру „Йосафата”.
Присутних привита керестурски парох о. Владислав Варґа, а о тим хто святи и цо нам поручую будзе наказовац о. Доминик Ралбовски. Млади буду мац нагоду и вибрац святого котрого и сценски прикажу.
Закончуюца часц будзе заєднїцка молитва пацеркох и танєц Евену Шалом зоз котрим ше млади зявели у Суботици на „ХосанаФесту”.