НОВИ САД – У ютрейшим ТВ Маґазину годно дознац як означени Днї Миколи М. Кочиша у Дюрдьове и Новим Садзе.
Тиж будзе приказане и як означени тидзень писательох и як було на Фестивалу малих сценских формох Дюра Папгаргаї.
Приказана будзе и часц програми зоз концерту у Дюрдьове знагоди означованя 80. рочнїци Културно-уметнїцкого дружтва Тарас Шевченко.
Такой по законченю Телевизийного маґазина шлїдзи и фамелийни маґазин Широки план у хторим з нагоди означованя 50 рокох редкациї Програми на руским язику госци буду новинаре и редакторе хтори хвильково робя у телевизийней редакциї.
Телевизийни маґазин почина на нєдзелю 7. децембра на 20 годзин. Репризу емисиї годно одпатриц тей истей ноци коло 2 рано, и на пондзелок на 10:30 годзин.
Широки план на нєдзелю на 21 годзин.
