НОВИ САД – Штерацец треце число новинох „Руске слово” у рубрики Тижньовнїк пише о предвиберанкових активносцох за порядни виберанки за членох националних совитох националних меншинох хтори буду отримани 13. новембра. На Наших местох мож пречитац о тим як означени Дзень ошлєбодзеня у Другей шветовей войни у наших местох.
Економия пише о Владимирови Сабадошови хторому додзелєне припознанє за животне дїло, а на бокох Култури и просвити мож пречитац о уметнїцкей творчосци Силвестера Макая, скулптора, маляра и писателя зоз Коцура.
Духовни живот пише o активносцох у Каритасу, а на бокох Людзе, роки, живот у тим чишлє наш госц Владимир Кочиш зоз Дюрдьова.
На Спорту мож пречитац о резултатох и пласманох наших фодбалерох, ялє и о красним успиху атлетичара Дюли Фаркаша и каратисти Ґлорияна Штранґара зоз Руского Керестура.
И у тим чишлє єст рубрика Горуци тепши, а вишли и додатки Мозаїк и Литературне слово.