НОВИ САД – Добитнїком субвенцийох за розвой уметнїцких и старих ремеслох за чечуци рок, штварток уручени контракти у Покраїнскей влади.
Покраїнски секретарият за привреду и туризем видвоєл три милиони динари за субвенционованє трошкох набавки опреми и репроматериялу.
Покраїнски секретар за привреду и туризем Ненад Иванишевич наявел же би ремеселнїки и здруженя ремеселнїкох могли достац длуго обчековани закон о ремеселнїцтве, з оглядом на тото же наша держава єдина у реґиону хтора ище нє ма таки документ.
Вон наявел же покраїнски секретарият предлужи помагац поднїмательом хтори ше занїмаю зоз тоту дїялносцу и поволал их же би ше приявели и на будуци конкурси, окреме кед планую прешириц продукцию и заняц вецей роботнїкох.