Вишла априлска Заградка

автор Я. Дюранїн
50 Опатрене

НОВИ САД – Пред самим ярнїм розпустом и вельконоцнима шветами вишло априлске число Заградки, а дзецом як дарунок приноши вифарбйованку – вельконоцну кошарку.

У новим задатку у рубрики Пречитали и роздумали треба обдумац кратку розгварку, а потим шлїдза рубрики Госци и новосци и Сцеме знац и упознац, дзе пренєшена атмосфера зоз премиєри представи „Петро Пан”.

У Читальнї зме писали о босоркох и фараонох, а у приповедки у сличкох упознайце маймуна Чачу.

Мала Заградка и тераз пририхтана так же би наймладши могли вифарбйовац, виписовац задати линиї, алє и поопатрац роботи хтори послали.

Ту и рубрики Школяре авторе и Забавни боки, а Радио у Заградки у тим чишлє нас пририхтує за Вельку ноц.

Зоз своїм пшичком Дурдом и заячками упознал нас Алексей Бесерминї зоз Коцура у рубрики „Мой любимец”, а астрофизичар др Роберт Джуджар нас учи о мистерийох Слунковей системи.

На остатнїм боку находзи ше Заградкова ґалерия.

ПОВЯЗАНИ ТЕКСТИ