НОВИ САД – Зоз святочну уметнїцку програму вчера и урядово почал робиц Завод за културу войводянских Руснацох у нових просторийох.
Госцох привитал директор Заводу Сашо Сабадош, и на самим початку наявел предпремиєрну проєкцию телевизийней адаптациї представи „Скорей як когут закукурика” у режиї Славка Виная, спред Руского културного центра з Нового Саду.
У предлуженю програми, по словох Сабадоша, нашо найдоказанши писателє – Ирина Гарди Ковачевич, Агнета Бучко Папгаргаї, Олена Планчак Сакач, Микола Шанта и Славко Винаї, як сам Сабадош, пречитали присутней публики по єдну вибрану писню нєдавно упокоєного писателя Михала Рамача, а потим и по єдну власну писню.
Святочна програма пририхтана и з нагоди означованя 15 рокох иснованя Заводу, а вовторок го урядово отворели представнїки Покраїнскей влади и Националного совиту Руснацох.
